Georgia Today-ը հոդված է հրապարակել, որում փորձ է արվում վերլուծել Աբխազիայի և Հարավային Օսիայի հնարավոր անդամակցությունը Հավաքական անվտանգության պայմանագրի կազմակերպությանը, ինչին ձգտում է Մոսկվան:
Հոդվածագրի կարծիքով, այդ դեպքում կստացվի այնպես, որ Վրաստանի դեմ հակամարտությունում ՀԱՊԿ-ի անդամ Հայաստանը, Բելառուսը, Ղազախստանը, Ուզբեկստանը, Ղրղզստանն ու Տաջիկստանը կմիանան Ռուսաստանին: Հետևաբար Թբիլիսին չի կարող կողմ լինել ՀԱՊԿ-ին Աբխազիայի և Հարավային Օսիայի անդամակցությանը: Վերը նշված երկրները չեն ճանաչել վրացական երկրամասերի անկախությունը: Վրաստանը, ինչպես և Ադրբեջանը ՀԱՊԿ-ի անդամ չեն:
ՀԱՊԿ-ի նպատակն է միացյալ ուժերով պաշտպանել անդամ երկրների անվտանգությունը, անհրաժեշտության դեպքում՝ ռազմական ուժի կիրառմամբ: