Այսօր մենք ՀՀ պաշտպանության նախարարի տեղակալ Վլադիմիր Գասպարյանից ստացել ենք հետևյալ նամակը` հունվարի 28-ին մեր կայքում տպագրված հարցազրույցի http://1in.am/arm/armenia_interview_8097.html երկու պատասխանների՝ իր կողմից նոր սրբագրված տարբերակներով։
Փետրվարի 1, 2011թ.
«Ժամանակ» օրաթերթի և «Առաջին լրատվական» կայքէջի
գլխավոր խմբագիր Արման Բաբաջանյանին
Հարգելի պարոն Բաբաջանյան,
Սույն թվականի հունվարի 28-ին Ձեր թերթում և կայքէջում տպագրված՝ ինձ հետ հարցազրույցում տեղ գտած ներքոնշյալ երկու հարցերի պատասխանները խնդրում եմ կարդալ հետևյալ կերպ`
– Միքայել Հարությունյանի հայտարարությունները մարտի 1-ին քաղաքակա՞ն էին:
– Միքայել Հարությունյանի հայտարարությունները դուրս գրենք իրա՝ լեզվին ոչ պարզ տիրապետելու, ռուսերենից հայերենի, հետո եսիմ ինչ բարբառի թարգմանելու և ասելու մեջ: Միքայել Հարությունյանն ինձ բաներ է ասել՝ մինչև հիմա չեմ հասկանում:
Այս հարցի պատասխանը խնդրում եմ կարդալ հետևյալ կերպ`
Մ. Հարությունյանի հայտարարությունները դուրս գրեք իրա լեզվին ոչ պարզ տիրապետելու, ռուսերենից հայերենի կամ ընդհակառակը թարգմանելու վրա և լրագրողներդ այնպես եք հարցնում, որ ես նույնիսկ շատ ժամանակ չեմ հասկանում։
– Պարոն Գասպարյան, 10 զինվոր է սպանվել ու դրա համար իշխանությունը հաստատ պատասխանատու է: Այսօր հասարակական այս դժգոհությունը ակնունքներ ունի և դրանք թաղված են հենց մարտի մեկի մեջ:
– Ես պնդում եմ, որ մարտի մեկին բանակը չի մասնակցել` ցրոցի, միտինգ, ես գիտեմ, որ չի մասնակցել: Ես խաչատուրովներից էլ շատ լավ ինֆորմացված եմ, ավելի լավ գիտեմ ամեն ինչ, էդ մարդիկ փողոցների տեղը չգիտեին, Երևանը չեն ճանաչում էդ մարդիկ, դրսից եկած, ինչ գիտեն Պրոսպեկտ, Մաշտոց, Լեոյի փողոց, էտը գդե: Մենք չենք եղել, չենք մասնակցել: Ընդդիմությանը պետք էր, իր քաղաքական քայլերն էր, պետք էր արեց, որ վաղը բանակն էլ տեղը սսկված մնա, ՆԳՆ-ն էլ, իր գործն արեց: Բայց եթե էդ գործը ուրիշ գերատեսչությունների վրա են դուրս գրում, ուրեմն լավ են արել, արել եք, հիմա էլ իրենք ձեզ են անում: Բանակը չի արել:
Այս հարցի պատասխանը խնդրում եմ կարդալ հետևյալ կերպ`
– Ես պնդում եմ, որ մարտի մեկին բանակը չի մասնակցել` ցրոցի, միտինգ, ես գիտեմ, որ չի մասնակցել: Խաչատուրովը կապ չունի, ճիշտ չեք ինֆորմացված (նամակի մեջ ձեռագիր ընդգծումը` Վլադիմիր Գասպարյանի)։ Ռազմական ոստիկանությունը ուղեկցել է զորքին, որովհետև էդ մարդիկ, զորքերը երևի փողոցները չգիտեն, Երևանը չեն ճանաչում, էդ մարդիկ (խոսքը զինվորների մասին է) որտեղից իմանան պրոսպեկտ, Մաշտոց, Լեո փողոց։ Մենք միայն նրանց ուղեկցել ենք իրենց տեղերը։ Ընդդիմությանը պետք էր, իր քաղաքական քայլերն էր, պետք էր արեց, որ վաղը բանակն էլ տեղը սսկված մնա, ՆԳՆ-ն էլ, իր գործն արեց: Բայց եթե էդ գործը ուրիշ գերատեսչությունների վրա են դուրս գրում, ուրեմն լավ են արել, արել եք, հիմա էլ իրենք ձեզ են անում: Բանակը չի արել:
Խնդրում եմ, այս նամակը հին հարցուպատասխանով և իմ նոր խմբագրած տարբերակով տեղադրել կայքում և տպագրել «Ժամանակ» օրաթերթում։
ՀՀ Պաշտպանության նախարարի տեղակալ
Գեներալ-մայոր Վլադիմիր Գասպարյան
