Աջ ղեկով մեքենաների ներմուծումը, հետագայում նաև շահագործման արգելքների հետ կապված աղմուկը տագնապ է առաջացրել աջ ղեկով մեքենաների սեփականատերերի մետ։
Նշենք, որ 2018-ի ապրիլի 1-ից Կառավարությունը մտադիր է արգելել աջ ղեկով ավտոմեքենաների ներմուծումը։ Ինչ վերաբերում է արդեն եղած աջ ղեկով մեքենաների շահագործմանը, ապա կառավարությունը մտադիր է չարգելել արդեն իսկ ներմուծված աջ ղեկով ավտոմեքենաների շահագործումը: Բայց աջ ղեկով մեծենաների վարարոդների խոսքով, իրենք փաստի առաջ կկանգնեն, երբ ցանկանան վաճառել իրենց մեքենան։ երկրի ներսում ոչ ոք չի գնի այդ մեքենան, իսկ եթե ղեկը փոխեն և դարձնեն ձախ, ապա այդ մեքենան արդեն պիտանի չի լիում շահագործման համար։ «Ղեկը փոխեցիր, քցի թող գնա էդ մեքենան։ Էլ բանի պետք չի։ Ղեկը փոխած մեքենան կյանքում առաջվա պես չի աշխատի։ Ուղակի չի կարելի մարդուն փաստի առաջ կանգնեցնել։ Պարտադրել նրան, ինչ մեքենա քշի,-մեզ հետ զրույցում ասաց աջ ղեկով մեքենա վարող մի վարորդ։
Վարորդների խոսքով այս խնդիրը առաջացավ, երբ տեսան, որ աջ ղեկով մեքենաներն ավելի էժան են, բոլորը սկսել են աջ ղեկ գնել, ներմուծել։ «Հավանաբար ինչ որ մարդկանց գրպանին հարվածումա, դրա համար էլ որոշեցին էս օրենքը մշակել»,-ասաց մեկ այլ վարորդ։
Ի դեպ, մեր հարցախույզի ժամանակ վարորդներից բոլորն էլ նշեցին, որ աջ ղեկով մեքենա վարելը երբեք խնդիր չի առաջացնում, իրենք երբեք վթարային իրավիճակում չեն հայտնվել աջ ղեկով մեքենա վարելու պատճառով։ Փոխարենը վթարներ են լինում հենց ձախ ղեկով մեքենաների պատճառով։
Առավել մանրամասն՝ տեսանյութում
