Տեսողության հետ կապված խնդիրների մեծ մասից հնարավոր է խուսափել: Եթե օրվա մեծ մասը համակարգչով եք աշխատում, պետք է հասկանալ, որ ձեր աչքերի մկանները գերլարված են լինում մոտ հեռավորության վրա կենտրոնացածության պատճառով: Ուստի ամեն կես ժամը մեկ դադարեցրեք աշխատանքը և պատուհանից դուրս նայեք առնվազն 20 վայրկյան, խորհուրդ են տալիս բժիշկները: Այս մասին հայտնում է newsyou.info-ն:
Տեսողական խնդիրների մեծ մասը կարող է կապված լինել նաև կոնտակտային լինզաներ ոչ ճիշտ կրելու՝ հիգիենան չպահպանելու, լինզաները դնելուց առաջ դիմահարդարվելու, երկար կրելու կամ լինզաներով քնելու և այլնի հետ: Այդ ամենը կարող է վնասել աչքերը կամ վարակների պատճառ դառնալ, զգուշացնում են մասնագետները: