Սաուդյան Արաբիայի մի շարք կրոնական գործիչներ Սիրիայի իշխանությունների և նրանց աջակցող Ռուսաստանի ու Իրանի դեմ ջիհադի կոչ են արել, հայտնում է Reuters-ը:
Կոչը ուղղված է արաբական և այլ իսլամական երկրներին: Այդ երկրների իշխանություններին նրանք կոչ են անում «ապահովել բարոյական, նյութական, ռազմական և քաղաքական» աջակցություն նրանց, ով ջիհադ է կատարում այդ երկրների դեմ:
«Սիրիայի սուրբ զինյալները պաշտպանում են ողջ իսլամական աշխարհին: Վստահեք և աջակցեք նրանց, քանի որ եթե նրանք պարտվեն, ապա դա կբերի այն բանին, որ մի սունիական երկիր դուրս կգա մյուսի դեմ»,- ասվում է դիմումում:
Նշվում է, որ դիմումը ստորագրած իսլամական աստվածաբաններից ոչ ոք կապված չէ Սաուդյան Արաբիայի պաշտոնական իշխանությունների հետ, սակայն այդ կոչերը արտացոլում են երկրի իշխանությունների և հասարակության վերաբերմունքը Սիրիայում Ռուսաստանի գործողություններին:
