Բելառուսի նախագահ Ալեքսանդր Լուկաշենկոն սեպտեմբերի 26-ին կսկսի իր աշխատանքային այցն ԱՄՆ, որտեղ կլինի մինչև սեպտեմբերի 29-ը: Այս մասին հաղորդվում է Բելառուսի նախագահի պաշտոնական կայքում:
«Նախագահը կմասնակցի ՄԱԿ-ի կայուն զարգացման հարցով գագաթնաժողովի միջոցառումներին, որի արդյունքներով կընդունվի 2015 թվականից հետո ընկած ժամանակաշրջանի համար զարգացման ոլորտի միջազգային օրակարգ: Ալեքսանդր Լուկաշենկոն գագաթնաժողովի լիագումար նիստում կներկայացնի տվյալ ոլորտում ազգային դիրքորոշումը»,- նշվում է պաշտոնական հաղորդագրության մեջ:
Լուկաշենկոն մի շարք երկկողմ հանդիպումներ կունենա այլ պետությունների ղեկավարների հետ, ինչպես նաև ՄԱԿ-ի գլխավոր քարտուղար Պան Գի Մունի և ՄԱԿ-ի մարդու իրավունքների հարցերով գերագույն հանձնակատար Զեյդ Ռաադ ալ Հուսեյնի հետ:
