Klivent.net-ը ներկայացնում է բնակարանը հովացնելու պարզ միջոցներ, որոնք թույլ կտան խնայել ձեր գումարը՝ միևնույն ժամանակ լուծելով շոգի խնդիրը, թեկուզ փոքր-ինչ մեղմացնելով նրա վնասակար ազդեցությունը և բարձրացնելով ձեր տրամադրությունը:
Պատուհաններ.
Ցերեկվա շոգին խորհուրդ չի տրվում բացել լուսամուտները. դա ավելի կարագացնի տաք օդի ներհոսքը բնակարան: Հարմար է բնակարանը ամբողջովին օդափոխել գիշերը՝ երեկոյան ժամը 22-ից մինչև առավոտյան արևի առաջին ճառագայթների երևալը: Քանի որ արևի ճառագայթները մեծ մասամբ բնակարան են թափանցում նաև փակ լուսամուտների միջով, եթե վարագույրները բաց գույնի են, ապա խորհուրդ է տրվում լուսամուտները փակել մուգ գույնի վարագույրներով կամ շերտավարագույրներով: Կարելի է նաև օգտագործել լույսը անդրադարձնող թափանցիկ բարակ թուղթ՝ սոսնձելով այն ապակիներին:
Խոնավություն.
Խոնավ օդը կարող է մեղմացնել տապի ազդեցությունը: Կարելի է բնակարանում տեղադրել օդը խոնավացնող կենցաղային հարմարանք: Ուլտրաձայնային մեմբրանը բավականին բաց տարածություն կարող է խոնավացնել արդյունավետ կերպով, միայն պետք է հիշել, որ սարքը առավել արդյունավետ աշխատում է միայն այն սենյակում, որտեղ օդը խոնավացնելու կարիք կա: Կարելի է ջրամեխանիկական զտիչի միջոցով «լվանալ օդը»:
Ջերմության լրացուցիչ աղբյուրներ.
Պետք է հիշել, որ ցանկացած էլեկտրական սարք ջերմություն է արտադրում: Աշխատեք անջատել էլեկտրական սարքերը կամ հասցնել դրանց օգտագործումը մինիմումի: Այդպիսով դուք ոչ միայն կխնայեք էլեկտրաէներգիան, այլև կնպաստեք բնակարանի զովացմանը:
Մոլորություն.
Հակառակ մոլորություններին՝ օդափոխիչը ոչ թե սառեցնում է օդը, այլ տաքացնում է այն: Պարզապես տպավորություն է ստեղծվում, թե օդը սառչում է: Մեր քրտնագեղձերը մաշկի մակերեսին հեղուկ են արտադրում, որը գոլորշանում է: Առաջանում է էկզոթերմիկ գործընթաց, ինչից մեր մարմինը հովանում է:
Օդորակիչի ձեռքբերում.
Հարմարավետության տեսակետից շահավետ է օդորակիչի ձեռքբերումը, թեպետ այն ավելի թանկ արժե: Հնարավոր է, որ ամառային տապը տևի ընդամենը մեկ ամիս, և այդ մեկ ամսվա համար չարժե շատ գումար ծախսել օդորակիչ ձեռք բերելու համար, ավելի լավ է օգտվեք վերը նշված խորհուրդներից:
