Իրանի իշխանությունները փակել են կանանց ամսագիրը «առանց ամուսնության միասին ապրելու պրոպագանդա» կատարելու համար, հաղորդում է բրիտանական BBC-ն:
«Խորհուրդը արգելել է «Կանայք այսօր» ամսագիրը առանց ամուսնության միասին ապրելու հարցի խրախուսման և արդարացման համար»,- ասվում է Իրանի տեղեկատվական ծառայության հաղորդագրության մեջ, որը հղում է կատարում ԶԼՄ-ի հարցերով պետական խորհրդին:
Չնայած առանց ամուսնության պաշտոնական գրանցման զույգերի կենակցումը Իրանի համար հազվադեպ երևույթ է, սակայն այն սկսել է տարածում ստանալ մեծ քաղաքներում ապրող երիտասարդ իրանցիների շրջանում:
Անցյալ ամսում «Կանայք այսօր» ամսագիրը հոդված տպագրեց Իրանում այդ երևույթի տարածման պատճառների մասին:
Դրա հետ մեկտեղ՝ անցյալ տարի այաթոլլա Ալի Խոմենեի վարչակազմը կարգադրեց ուժեղացնել այդ երևույթի դեմ ուղղված պայքարի միջոցառումները:
