Այսօր Ավետիսյանների ընտանիքի քառասունքն է: Լրագրողների հետ զրույցում ԱԺ ԲՀԿ խմբակցության պատգամավոր Մարտուն Գրիգորյանը հայտնեց, որ Մոսկվայում բարձրացրել է Պերմյակովին Հայաստանին հանձնելու հարցը, քանի որ «դա մեր` հայ ժողովրդի ցանկությունն է, որ նա հանձնվի հայ իրավապահներին, և դատավարությունն ընթանա այստեղ»: «Ինձ պատասխանեցին, որ պատրաստ չեն նրան հանձնել, բայց պատրաստ են քննչական գործողությունները համատեղ անել, այսինքն` որպեսզի դատավարությունը Հայաստանում իրականանա»,- նշեց պատգամավորը:
«Առաջին լրատվական»-ի այն հարցին, թե ճի՞շտ են շրջանառվող լուրերը, որ ինքն ըմբոստացել է ԲՀԿ առաջնորդ Գագիկ Ծառուկյանի որոշման դեմ, Մարտուն Գրիգորյանը բացասական պատասխան տվեց՝ խոստանալով առաջիկայում ավելի մանրամասն այդ մասին խոսել: