Շքեղ Հելեն Միրենի լուսանկարը հայտնվել է Variety ամսագրի հատուկ թողարկման շապիկին, որը նվիրված է «Օսկար 2015»-ին:
Ամսագրին տված հարցազրույցում դերասանուհին պատմել է, որ 2007թ. «Օսկարի» մրցանակաբաշխությանը, երբ նա արժանացել է «Լավագույն կանացի դեր» մրցանակին, նա անասելի հուզվել է՝ վախենալով, որ անհեթեթ տպավորություն կթողնի այն պահին, երբ կարտաբերեն իր անունը: Սակայն, միևնույն ժամանակ նա չափազանց հպարտ է եղել: Արձանիկը վերցնելուց և ետնաբեմում հայտնվելուց հետո նա այնպիսի տպավորություն է ունեցել, կարծես գտնվում է մի մեծ խոհանոցում, որտեղ բոլորն իրենց գործով են զբաղված:
Դերասանուհին պատմել է, որ մրցանակը ստանալիս լաց չի եղել, սակայն իրեն չի կարողացել զսպել, երբ Լոնդոն է ժամանել: Օդանավակայանում իր ուղեբեռին սպասելիս ինչ-որ մեկը նկատել և սկսել է ծափահարել նրան, որից հետո բոլորը հավաքվել և շնորհավորել են Միրրենին: Այդ պահին նա ուղեբեռից հանել է արձանիկը և երջանկությունից լաց եղել:
Դերասանուհին նշել է, որ մշակույթը մրցույթ չէ, եթե սպորտոմ միանգամից երևում է, թե ով է հաղթել, դա դժվար է անել գրականության կամ նկարչության մեջ: Հսկայական թվով դերասաններ հիանալի աշխատանք են կատարել, սակայն այդպես էլ մրցանակի չեն առաջադրվել:
