Իսրայելցի գիտնականները պարզել են, որ մերձավորների անհաջողություններից հաճույք ստանալը և դա ցուցադրելը մարդը սկսում է առնվազն երկու տարեկանից՝ նշելով, որ չարախնդալը էվոլյուցիայի, այլ ոչ թե վատ դաստիրականության հետևանք է, գրում է RIA Novosti-ն:
Մինչև այժմ գիտնականները կարծել են, որ յոթ տարեկանից փոքր երեխաները նման արձագանքի ընդունակ չեն, նշում են ուսումնասիրողները:
«Ուսումնասիրությունը հաստատել է, որ չարախնդալը էվոլյուցիոն մեխանիզմ է, որը արտահայտվում է այն ժամանակ, երբ մենք չենք կարողանում հաղթահարել անհավասարությունը»,- ասել է ուսումնասիրության ղեկավար, հոգեբանության պրոֆեսոր Սիմոնա Շամայ-Ցուրին:
Գիտնականների կարծիքով՝ վաղ հասակում բացահայտված մեխանիզմը հասուն տարիքում մարդկանց ստիպում է ուրախանալ ուրիշների դժբախտությունների վրա նույնիսկ այն դեպքում, երբ անհավասարության իրադրություն առկա չէ:
