Այսօր՝ հուլիսի 13-ին, Ազգային ժողովում սկսվել է արտահերթ նիստ: Օրակարգում արտակարգ դրության ռեժիմի երկարացման հարցն է:
«Երբ թվում էր, թե ամբողջ աշխարհը միավորված պիտի պայքարեր համավարակի դեմ, երեկ Ադրբեջանը սադրանքի է դիմել հայ-ադրբեջանական սահմանին, և նրանց ագրեսիվ գործողությունները շարունակվում են նաև այսօր: Սա ևս մեկ անգամ ի ցույց է դնում այդ երկրի հետադիմական և ռազմատենչ էությունը: Ադրբեջանի գործողություններին մեր գերատեսչությունների կողմից տրվել է պարզ և սպառիչ գնահատական»,- հայտարարեց ԱԺ արտաքին հարաբերությունների հանձնաժողովի նախագահ Ռուբեն Ռուբինյանը:
Խոսելով Թուրքիայի արձագանքի մասին` նա ասաց. «Թուրքիան փաստորեն իրեն ներկայացնում է որպես ղարաբաղյան հակամարտության կողմ, և դա վկայում է, որ Թուրքիան չի կարող ղարաբաղյան հակամարտությանն առնչվող որևէ միջազգային դերակատարում ունենալ: Թուրքիայի ԱԳՆ-ն ՀՀ-ին սթափության կոչ է արել: Այդ մենք ենք Թուրքիայի իշխանություններին կոչ անում սթափվել, ապա սթափեցնել իրենց ադրբեջանցի գործընկերներին, որովհետև եթե վերջիններս չսթափվեն, ապա նրանց կսթափեցնեն մեր զինված ուժերը: Մեր զինված ուժերի մոտ, ինչպես ցույց տվեցին երեկվա և այսօրվա դեպքերը, դա շատ լավ է ստացվում: Կեցցե Հայաստանի Հանրապետությունը, կեցցե Հայոց բանակը»:
Մանրամասն՝ տեսանյութում: