Վրաստանի Թբիլիսի և Ռուսթավի քաղաքներում շուրջ 27 մ/վ արագությամբ քամի է փչել, պոկել տների տանիքները, վնասել էլեկտրագծերը: Երկու մարդ վիրավորվել են, հաղորդում է Վրաստանի հանրային հեռուստատեսությունը՝ շաբաթ օրը՝ սեպտեմբերի 21-ին:
Ըստ Վրաստանի ՆԳՆ Արտակարգ իրավիճակների կառավարման ծառայության, Թբիլիսիի Սաբուրթալինսկի շրջանի Դոլիձե փողոցում երկու տղամարդու վրա մեծ ծառ է ընկել: Նրանց հասցրել են հիվանդանոց։
Թբիլիսիից 11 կմ հեռավորության վրա գտնվող Ռուսթավի քաղաքում քամին պոկել է 15 տան տանիքներ, արմատախիլ է արել բազմամյա ծառեր վնասել էլեկտրագծերը, մեքենաները և մի քանի վայրերում արգելափակել երթևեկությունը:
Անվտանգության նկատառումներից ելնելով, Ռուսթավիում ժամանակավորապես փակվել է մշակույթի կենտրոնական այգին: Շաբաթ օրը նախատեսված էթնիկ փառատոնը տեղափոխվել է կիրակի: