Thursday, 06 10 2022
13:50
Live. «Առաջին լրատվական» տեղեկատվական-վերլուծական կենտրոն
13:40
Պրահայում մեկնարկել է Ալիև-Միշել հանդիպումը
Վարչապետն աշխատանքային այցով ժամանել է Պրահա
13:20
Ուկրաինան շարունակում է հակահարձակումը Խերսոնի ու Լուգանսկի ուղղությամբ
ԱԺ նախագահը Շվեյցարիայի դեսպանի հետ հանդիպմանը շեշտել է ՀՀ տարածքից ադրբեջանական ԶՈւ-ի դուրսբերման հարցում միջազգային գործընկերների աջակցությունը
ԱԺ-ն այսօր ԲԴԽ նոր անդամներ կընտրի․Վլադիմիր Վարդանյանը ներկայացրեց Կարեն Անդրեասյանի կենսագրությունը
Ոստիկանները բացահայտել են հանցագործության 47 դեպք
Ձեր հակասություննե՞րն են ավելի կարևոր, թե՞ այս պետության լինել – չլինելը
Կառավարությունը հաստատեց ազգային տարածական տվյալների ենթակառուցվածքում բազային և թեմատիկ տարածական տվյալների ցանկը
Պարոն վարչապետ, վեր կաց գնա ինքդ տես՝ դիրքերում խնդիր կա՞, թե՞ ոչ
12:42
15 մարդ է զոհվել Հունաստանի ափերի մոտ միգրանտներ տեղափոխող նավի խորտարկվելու հետեւանքով
Արդար դատարանը միշտ եղել է իմ երազանքը, սա հնարավորություն է իմ երազանքին մոտենալու
Էրդողանի և Փաշինյանի հանդիպումը Պրահայում կօգնի հարաբերությունների կարգավորմանը
Ի՞նչ հետազոտություններ են անցնում վիրավոր զինծառայողները․ պարզաբանում է նախարարը
12:23
Իրանը հերքում է ռազմական դրոնների մատակարարումը Ռուսաստանին
«Խնդրում եմ՝ մեզ հետ եղեք, օգնեք մեզ»․ Այսօր՝ «Հանրապետականում»․․․
12:10
Թեհրանի եւ Մոսկվայի դեմ պատժամիջոցները հարվածել են Արեւմուտքին. Իրանի նավթի փոխնախարար
Արցախի կենսական հրամայականը
Եվրախորհրդարանի պատգամավորը Հայաստանի աջակցության ակցիա է արել
Նիդերլանդների խորհրդարանի մի խումբ պատգամավորներ բարձրաձայնել են Հայաստանի դեմ Ադրբեջանի վերջին ագրեսիայի մասին
Հայաստանի և Լեհաստանի մրցակցային մարմինների ղեկավարները համագործակցության հուշագիր են ստորագրել
Տարադրամի փոխարժեք – Հոկտեմբեր 6, 2022
Վարչապետը մեկնում է Պրահա
Հեղուկ գազի գինը – Հոկտեմբեր 6, 2022
Հյուսիս-հարավ ճանապարհային միջանցքի Տրանշ-3-ի Թալին-Լանջիկ հատվածում ասֆալտապատումն ավարտվել է
Բենզինի և մյուս վառելիքների գինը – Հոկտեմբեր 6, 2022
Հայաստանի հավաքականի խաղացողի ֆանտաստիկ գոլը դաշտի կենտրոնից
Քառակողմ հանդիպում․ Փաշինյանը, Էրդողանը, Մակրոնն ու Ալիեվը՝ մի սեղանի շուրջ
10:15
Ռուսաստանը վերսկսել է գազի մատակարարումը Իտալիա
Լուրերի առավոտյան թողարկում 10:00

Ջունգլիների արքան և հեռուստաեթերի տիրակալը (տեսանյութ)

Մի քանի օր առաջ ես տեսա բարգավաճ Հայաստանը: Ոչ թե հեռուստացույցով, ոչ թե իբրև գովազդ, այլ՝ իրականություն դարձած: Փառք Աստծո, ոչ թե ողջ Հայաստանով մեկ, այլ նրա մի փոքր հատվածում՝ Երևանի հյուսիսային ելքի մոտ, Երևան-Սևան ավտոճանապարհի վրա: Իսկ դեռ կենդանաբանական այգու մոտ ես չէի էլ կռահում, որ հանդիպել եմ բարգավաճման Ֆենոմենին: Երթևեկությունը պողոտայի այդ հատվածում դանդաղել էր, որովհետև ինչ-որ հարսանյաց շարասյուն իր դանդաղ ընթացքն էր պարտադրում երթևեկության մնացած մասնակիցներին:

Հարսանքավորների մեքենաները զբաղեցրել էին պողոտայի բոլոր երեք գծերը և իրենց հաճույքով էին առաջ շարժվում: Բայց հաճույքը ոչ թե այն էր, որ իրենք հարսանիք են անում, այլ այն, որ իրենք են որոշում, թե ուրիշները ինչպես պետք է շարժվեն: Բուն շարասյունից հեռու գտնվողները իրենց հատուկենտ շչակներով փորձում էին բողոք արտահայտել, իսկ անմիջապես հետո երթևեկողները նախընտրում էին ոչինչ չձեռնարկել, որովհետև թերևս գլխի էին ընկել, թե ում հետ գործ ունեն: Իսկ մյուսներին սա պարզ դարձավ ավելի ուշ, երբ շարասյունը կանգ առավ Գագիկ Ծառուկյանի հայտնի տան հարևանությամբ գտնվող հայտնի բենզակայանի մոտ: Շարասյունը կանգ առավ ոչ թե ըստ եվրոպական, այլ բարգավաճած Հայաստանի չափանիշների, այսինքն՝ ոչ թե աջ քաշելով, այլ՝ ուղղակի:

Այնպես որ, իրենց կանգնելուց հետո երթևեկությունը ընդհանրապես փակվի: Երթևեկությունը կանգնեց, և միջպետական նշանակություն ունեցող ճանապարհը խցանվեց: Ես սկզբից գլխի չընկա, թե ինչն է կանգառի բուն իմաստը, բայց ինչքան հասկացա հեռվից հեռու, տարածվող լուրերը վերլուծելով՝ նորապսակները կանգառ էին արել վերը նշված բենզակայանի մոտ տեղադրված առյուծի արձանի մոտ լուսանկարվելու:

Այս առյուծը Գագիկ Ծառուկյանի «Մուլտի գրուպ»-ի խորհրդանիշն է, և, փաստորեն, որոշակի խումբ մարդկանց համար այն ձեռք է բերել մոտավորապես նույն արժեքը, ինչ զոհված ազատամարտիկների կամ Հայրենական մեծ պատերազմի զոհերի հուշարձանը, որովհետև ինչքան գիտեմ, հայ ավանդական հարսանիքի ժամանակ նկարվելու տեղը վերը նշվածներն են: Այդ լուսանկարահանումով հայաստանցի հարսանքավորները հարգանքի տուրք էին մատուցում հայրենիքի համար կյանքը զոհածներին, ու բարգավաճման մոդելում, փաստորեն, հարգանքի տուրքի օբյեկտը փոխվում է:

Այսպիսով՝ որոշակի խումբ մարդիկ հարգանքի տուրք են տալիս թագավորին՝ կենդանիների թագավորին: Իհարկե, մենք՝ ՀՀ ազատամիտ քաղաքացիներս, ասում ենք, որ նրանք ազատ են իրենց ընտրության մեջ և ում ուզում են, թող հարգանքի տուրք մատուցեն: Բայց պրոբլեմն այն է, որ նրանք ամենևին էլ նույն կարծիքի չեն մեր մասին: Եվ իրենց կարծիքով, երբ իրենք հարգանքի տուրք են մատուցում իրենց կուռքին, մենք բոլորս պետք է կանգնենք: Եվ դրա համար նրանք փակած են պահում մայրուղու բոլոր երեք գծերը, որ մենք հանկարծ անտարբեր չանցնենք կուռքի պաշտանմունքի արարողության կողքով: Այլ կանգնենք և հասկանանք, որ այստեղ տիեզերական իրադարձություն է տեղի ունենում:

Եվ ի դեպ, սա շատ լավ հասկացավ դեպքի վայրում գտնվող պետավտոտեսչության բրիգադը, որը արագ ծլկեց, որ վարորդները բողոքով իրեն չդիմեն: Այսինքն՝ պետության ներկայացուցիչը բացառեց երթևեկության վերականգնման սահմանադրական ճանապարհի հնարավորությունը: Եվ միջպետական նշանակության ճանապարհ դուրս եկածները ստիպված էին սպասել, մինչև բարգավաճման ծեսը ավարտվի: Նրանք ստիպված էին այդ ծեսի մասնակիցը դառնալ: Այս միջադեպը ինձ ստիպեց առանձին և լուրջ զննության ենթարկել կենդանիների թագավորին: Այս առյուծը մի ձեռքին գավազան է պահում, իսկ բերանից երևում են սարսափազդու ժանիքները: Նա պատրաստ է խժռել յուրաքանչյուրի և, ինչպես հին կուռքերը, բոլորին հրավիրում է իրեն պաշտելու, և այս քայլին չգնացողների ճակատագիրը կանխորոշված է՝ խժռվել:

Եվ նրանց երազած ՀՀ քաղաքացին նման է վերը հիշատակված պետավտոտեսուչին, ով այլևս չի կարող իրացնել պետության կողմից իրեն վերապահված իրավունքներն ու լիազորությունները: Պետավտոտեսուչը, իր երկրի կողմից փողոց քշված, ամեն օր սնվում է այդ հարսանքավորների ձեռքից, և բնականաբար, չի կարող թեկուզ օրինական հրամաններ արձակել նրանց հասցեին:

Եվ այս պետավտոտեսուչի օրինակով նրանք ուզում են ձեռնասուն դարձնել ՀՀ քաղաքացուն և սրա համար են կարտոշկա ու ցորեն բաժանում, տրանսպորտով ու բժշկով ապահովում, որ մարդը հասկանա, որ չի կարող ապրել առանց նրա, այդ ամենահաս և ամենակարող ձեռքի, և այդ ձեռքը տեսնելիս խոնարհվի ամեն անգամ: «Բայց ինչո՞ւ եք անտեր, ես եմ ձեր տերը»,- ասում է մեկ այլ հեթանոսական-կռապաշտական խմբի՝ ՀՀԿ-ի խորհրդի նախագահ Սերժ Սարգսյանը գյումրեցի մի տարեց քաղաքացու հարցին ի պատասխան՝ ակամա մատնելով իր հավակնությունը ժողովրդի հոր դերին: Ասել կուզի՝ պետությունը ես եմ, ես եմ տերը, ես եմ ալֆան ու օմեգան, մտքեր, որոնց մերօրյա հեղինակների օբյեկտիվ տեղը հոգեբուժական հիվանդանոցն է կամ էլ առնվազն նարկոդիսպանսերը:

Բայց այնպես, ինչպես բարգավաճողները խցանել էին միջպետական ճանապարհը, այնպես էլ ՀՀԿ խորհրդի նախագահը խցանել է հայրենական եթերը և այն դարձրել սեփական անձ-կուռքի պաշտանմունքի թատերաբեմ: Եվ 80-ամյա այն կինը, որ հեռուստախցիկի առաջ շնորհակալություն է հայտնում բանակից վերադարձած իր թոռնիկի համար, այսպիսով Սերժին երկրպագող բազմությանը ծափերի առիթ տալով, միանգամայն անկեղծ է: Նա հո գիտի, որ մեծ հաջողություն է գիշատիչների ձեռքից երեխա ետ ստանալը: Նա հո գիտի, որ ՀՀ յուրաքանչյուր քաղաքացի կարող է արժանանալ Պողոս Պողոսյանի բախտին, և չի գտնվի անգամ հայի աչքերի մասին ոռնացող մի համբալ, որը մեռնողի աչքերի մեջ նկատի օգնության աղերսանքը կամ էլ տեղի ունեցածի մասին վկայի սեփական ժողովրդի առաջ»:

Նիկոլ Փաշինյան

«Հայկական ժամանակ», 2006թ. դեկտեմբերի 5

Բաժիններ
Ուղիղ
Լրահոս
Որոնում