Ինչպես հաղորդում է Marketwatch-ը, իտալական մի քանի բանկերում բաժնետոմսերի առևտուրը կասեցվել է բաժնետմսերի գների անկման պատճառով:
Մասնավորապես, բաժնետոմսերի առևտուրը դադարեցրել են Unicredit, Intesa Sanpaolo, ինչպես նաև Banca Popolare ու Monte dei Paschi բանկերը:
Ընդհանուր առմամբ` Միլանի բորսայում արժեթղթերը կտրուկ նվազել են: FTSE MIB հիմնական ինդեքսը կեսօրին նվազել է ավելի քան 5 տոկոսով: Նման իրավիճակ է և Իսպանիայի բորսաներում:
Աճուրդում բաժնետոմսերի գների կտրուկ նվազման պատճառը չինական բորսաներում անկումն է: Ազգային Shanghai Composite ինդեքսը հուլիսի 23-ին նվազել է 1.3 տոկոսով` ՉԺՀ-ի տնտեսության դանդաղ տեմպերի նվազման ֆոնին:
Եվրոպայում անկումն ավելի ուժգին էր, քանի որ դրան գումարվում էին պարտքային ճգնաժամի պատճառով առաջացած մտավախությունները:
Դա հատկապես ակնհայտ էր ֆինանսական լուրջ խնդիրներ ունեցող երկրների շուկայում: Այդուհանդերձ, Մեծ Բրիտանիայի, Գերմանիայի, Ֆրանսիայի բորսաներում բաժնետոմսերի գները նվազել էին 1,7-2 տոկոսով:
