Ինչպես հայտնում է The Guardian գործակալությունը, բրիտանական BSkyB հեռուստաընկերության Sky News հեռուստաալիքի արաբական մասնաճյուղի ղեկավար է նշանակվել Նարթ Բուրանը` Reuters ընկերության հեռուստատեսային խմբի նախկին ղեկավարը:
Արաբական Sky News-ը BskyB-ի և Abu Dhabi Media Investment Corp. ընկերությունների համատեղ նախագիծ է, որը պատկանում է Էմիրությունների շեյխ Մանսուր բին Սայեդ Ալ-Նահյանուին, որը նաև «Մանչեսթեր Սիթի» ֆուտբոլային ակումբի սեփականատերն է: Ընկերության շտաբ-գրասենյակը գտնվելու է Աբու-Դաբիում:
Արաբական Sky News-ը իր հիմնական մրցակից է համարում արաբական Al-Jazeera հեռուստաընկերությունը, որը գտնվում է Քաթարում, և BBC-ի ընկերության արաբական մասնաճյուղը: Ընկերության աշխատակիցների քանակը, որը պլանավորվում է գործարկել 2012թ.-ի գարնանը, կազմելու է 180 հոգի: Տեղեկությունների համաձայն` ընկերությունն ունենալու է իր անձնական լրագրողական կետերը Վաշինգտոնում, Լոնդոնում և այլուր:
BskyB-ն իր ենթակայության տակ ունի, մասնավորապես, SkyNews բրիտանական հայտնի լրատվական հեռուստաալիքը: BSkyB-ի հիմնական բաժնետոմսերը (39,1%) պատկանում են Ռուպերթ Մերդոքի News Corporation-ին: Մերդոքը բանակցություններ է վարում ընկերությունն ամբողջությամբ գնելու համար:
Նարթ Բուրանը մինչև Reuters գալը գլխավորում էր Աբու-Դաբիի լրատվական ընկերությունը, իսկ ավելի վաղ եղել է Հորդանանի հեռուստառադիոընկերության գլխավոր տնօրենը: