Ինչպես հաղորդում է Associated Press գործակալությունը, երեկ վրաերթի հետևանքով սպանվել է Տիբեթի հոգևոր առաջնորդ Դալայ Լամա 14-րդի եղբորորդին: Դեպքը տեղի է ունեցել ԱՄՆ Ֆլորիդա նահանգում:
Ինչպես հայտնել են տեղի ոստիկանությունում` 45-ամյա Ջիգմե Նորբուն մահացու վրաերթի է ենթարկվել ի պաշտպանություն Տիբեթի ժողովրդի իրականացված երթի ժամանակ: Այս ակցիան պարբերաբար բնույթ է կրում, սակայն բոլորը միշտ բարեհաջող էին ավարտվել:
Որոշ մեկնաբանությունների համաձայն` հնարավոր է, որ այս վրաերթը կազմակերպված լինի Չինաստանի հատուկ ծառայությունների կողմից, որոնք պայքարում են Տիբեթի անկախության կողմնակիցների դեմ: