Լոնդոնի «Արսենալ»-ի գլխավոր մարզիչ Արսեն Վենգերը վաղը կայանալիք Չեմպիոնների լիգայի 1/8 եզրափակիչ հանդիպումից առաջ AFP-ին տված հարցազրույցում վստահեցրել է, որ իր սաներն ի վիճակի են հաղթահարել իսպանական «Բարսելոնա»-ի արգելքը:
«Կարծում եմ, մենք կարող ենք հաղթել: Պարզապես հարկավոր է ցույց տալ այն, ինչի ունակ ենք: Գուցե կատալոնացիներն անցյալ տարվա համեմատ ավելի են ուժեղացել, բայց մենք՝ նույնպես, ինչն էլ ավելի հետաքրքիր է դարձնում հանդիպումը: Այս տարի մեր խաղացողներն ավելի հասուն ֆուտբոլ են ցուցադրում, և պարտավոր ենք ավելի հաջող դիմակայել «Բարսա»-ին»:
Հիշեցնենք, որ 2009-10 մրցաշրջանում Չեմպիոնների լիգայի քառորդ եզրափակիչում «Արսենալ»-ը Լոնդոնում ոչ-ոքի` 2:2 հաշվով ավարտեց հանդիպումը կատալոնացիների հետ, իսկ Բարսելոնում խոշոր` 4:1 հաշվով պարտություն կրեց:
