Ծանր քաշային կարգում WBC վարկածով աշխարհի չեմպիոն Վիտալի Կլիչկոն ռուսական մամուլին տված հարցազրույցում պատմել է, թե ինչպես կնշի իր ծննդյան օրը, ինչպես նաև գերմանացի Մանուել Չարի հետ կայանալիք հանդիպման մասին:
«Ես շատ երկար օր կունենամ, քանի որ Մոսկվայից կմեկնեմ Բոստոն: Ցանկանում եմ ծննդյանս օրը նշել ԱՄՆ-ում` պիոներական ճամբարի տեղական տարբերակով: Այնտեղ բարելավում են անգլերենի իմացությունը: Ինձ համար գլխավոր նվերներից էր Կլիչկոների մասին ֆիմի շնորհանդեսը, որը տեղի ունեցավ հուլիսի 17-ին` Մոսկվայում: Ֆիլմը շատ դրական արձագանքներ է ստացել:
Ես արդեն սկսել եմ նախապատրաստվել Մանուել Չարի հետ կայանալիք հանդիպմանը: Մրցակիցս երիտասարդ է, ուժեղ: Նա որևէ պարտություն չունի: Կարծում եմ` մեր հանդիպումը գեղեցիկ շոու կլինի հանդիսատեսի համար: Սա մեծ նվեր է այն ռուսաստանցիների համար, ովքեր չեն կարող մեկնել Գերմանիա, ԱՄՆ և Շվեյցարիա»,- նշել է Կլիչկոն:
Հիշեցնենք, որ ծանր քաշային կարգում WBC վարկածով աշխարհի չեմպիոն 41-ամյա Վիտալի Կլիչկոյի և Սիրիայի դրոշի տակ հանդես եկող 27-ամյա Մանուել Չարի միջև հանդիպումը կկայանա սեպտեմբերի 8-ին` Մոսկվայում: