Լոս Անջելեսի ոստիկանությունը շարունակում է հետաքննել 36-ամյա Սեյջ Ստալոնեի առեղծվածային մահվան հանգամանքները: Իրավապահ մարմինները բացահայտում են մանրամասներ նրա կյանքից, որոնց տեղյակ չեն կողմնակի անձինք: Վերջին վկայություններով՝ դերասան Սիլվեստեր Ստալոնեի ավագ որդին դեղատոմսով նշանակվող թմրանյութերի ապօրինի առևտուր է իրականացրել: Այս մասին տեղեկացնում է Rosbalt.ru-ն:
Սեյջը, հավանաբար, իրականացրել է հիդրոկոդոնի առևտուր, որը մաքուր վիկոդին է՝ ուժեղ ցավազրկող: Նա անձամբ չի օգտագործել այդ հաբերը: Այդ մասին է վկայում նրա քաշը:
«Մահվան պահին 170 սմ հասակ ունեցող Սեյջը կշռել է 85 կգ, իսկ թմրամոլները, որպես կանոն, նիհար են լինում»,- հայտնել են ոստիկանությունում:
Սեյջի տանը հիդրոկոդոնի հաբեր չեն հայտնաբերվել: Փոխարենը` ոստիկանությունը հայտնաբերել է հաբերի՝ 60 մեծ, դատարկ տարաներ, որոնցից յուրաքանչյուրը երբևէ պարունակել է 500 հաբ: Ներկայում քննությունը փորձում է ապրանքային կոդերով պարզել, թե որտեղից են այդ տարաները: Գրեթե բոլոը վստահ են, որ դրանք նրան ուղարկվել են արտերկրից:
Սեյջի ննջասենյակում, որտեղ տան աշխատողը երբեք ոտք չի դրել, հայտնաբերվել են սպիտակ փոշիով լցված փաթեթներ: Քիմիական փորձաքննության արդյունքները դեռևս պատրաստ չեն, սակայն, ամենայն հավանականությամբ, դա փոշիացված հիդրոկոդոն է;
Սեյջի մարմնի վրա չեն հայտնաբերվել բռնության հետքեր: Մահվանից առաջ Սեյջը գրություն չի թողել:
