«Երեկ տեղեկություն տարածվեց, որ ԱՄՆ Վայոմինգ նահանգում բնակվող հայազգի գործարար Հարություն Բաղդատյանը ցանկություն է հայտնել 1 մլն դոլար տրամադրել «Չենք լռելու» երիտասարդական նախաձեռնությանը, քանի որ առաջին օրվանից հետևել Է նրանց գործունեությանը և ուզում Է նպաստել դրա հետագա զարգացմանը»,- գրում է «Հրապարակ»-ը և հավելում.
«Սակայն, պարզվում է, «Չենք լռելու»-ն մերժել Է գործարարի առաջարկը: «Մենք համարում ենք, որ Հայաստանում լուծման առաջնահերթության սկզբունքով ավելի կարևոր հարցեր կան, քան «Չենք լռելու»-ին ֆինանսավորելը, որ առավել որակյալ ռոլիկներ պատրաստի»,-ասել է նախաձեռնության անդամներից մեկը՝ Նարինե Ասլանյանը, և նշել, որ իրենք գործարարին խորհուրդ են տվել դիմել Մայր Աթոռ Սուրբ էջմիածնին՝ այդ գումարով քանդված որևէ վանք վերանորոգելու առաջարկով:
Կտրամադրի՞ արդյոք գործարարն այդ գումարը Մայր Աթոռին, թե ոչ, նախաձեռնության անդամները տեղյակ չէին»:
