ՀՀԿ-ի ու ԲՀԿ-ի հարցը քաղաքական օրակարգ մտցնելը զուտ պայմանավորված է նրանով, որ հենց իրենք կոալիցիոն ուժերը փորձում են վերադասավորության նոր մոդել գտնել, և այդ առումով իրենք ավելի հնչեղ են դարձնում քննարկվող հարցը։ Այս մասին մեզ հետ զրույցում նշեց «Ժողովրդի իրավունք» ՀԿ-ի նախագահ Զոյա Թադևոսյանը և ավելացրեց.
«Ավելին, ես չեմ կարծում, որ հարցի հնչեղությունը նաև բացառում է ընդդիմության ակտիվությունը։ Ընդդիմությունը ինքնին ակտիվ է, ընդդիմությունը գործում է, կա և կլինի։ Ավելին, կարծում եմ, որ ապագան հենց ընդդիմությանն է։ Իսկ այս երկու ուժերի բախումները ես ավելի շատ կարող եմ բխեցնել հիմնադիր նախագահի` հանրահավաքներից մեկում հնչեցրած հետևյալ հայտարարությունից.
«Ես իմ թեկնածությունը կդնեմ այն դեպքում, եթե Ռոբերտ Քոչարյանն էլ դնի իր թեկնածությունը։ Հիմա գործող նախագահը աշխատում է ամեն ինչ անել, որպեսզի հանկարծ Ռոբերտ Քոչարյանը չդառնա իր մրցակիցը ապագա նախագահական ընտրություններում` դրանով բացառելով նաև Լևոն Տեր-Պետրոսյանի առաջադրումը։
Միաժամանակ ես կարող եմ վստահ ասել, որ հասարակությունը իր հերթին մերժելու է այդ թեկնածուի ի հայտ գալը»։