BBC հեռուստաալիքը եթերից հանել է Լոնդոնում 2011թ. օգոստոսին տեղի ունեցած անկարգությունների մասին պատմող տեսանյութը:
Ինչպես գրում է The Guardian-ը, բրիտանական դատարանը որոշում է կայացրել անորոշ ժամանակով հետաձգել տեսանյութի հեռարձակումը: Դատական որոշման պատճառը չի նշվում:
BBC-ում ընդգծում են, որ դատարանի որոշումը չի արգելում հեռարձակել ֆիլմը, սակայն այն ավելի ուշ կցուցադրվի եթերով: Թե դա երբ տեղի կունենա, հեռուստաալիքը չի հայտնել:
The Riots: In their own Words tonight խորագրով ֆիլմը BBC-ի եթերում պետք է ցուցադրվեր հուլիսի 16-ին `տեղական ժամանակով ժ. 21.00-ին:
Ինչպես հայտնում է The Daily Telegraph-ը, դա պետք է լիներ հաղորդումների շարքից առաջինը, որը պետք է պատմեր անկարգությունների մասին:
Պրոդյուսերների մտահղացմամբ` հաղորդումը պետք է բացահայտեր կատարվածի պատճառներն ու անկարգությունների ընթացքը:
Լոնդոնում զանգվածային անկարգություններն սկսվել էին 2011թ. օգոստոսի 7-ին, ապա տարածվել բրիտանական խոշոր քաղաքներում` Մանչեսթեր, Լիվերպուլ, Բիրմինհեմ: Անկարգություններն սկսվել էին այն բանից հետո, երբ ոստիկանները կրակել ու սպանել էին լոնդոնցի Մարկ Դագգանին:
