ԱՄՆ-ի և Կանադայի իշխանությունները տեղադրված ռումբի ահազանգի պատճառով փակել են Ամբասադոր կամուրջով երթևեկությունը, որը ամենածանրաբեռնված հատվածն է երկու երկրների միջև:
Համաձայն CBC հեռուստաալիքի` նախորդ օրը երեկոյան կամուրջը շահագործող ծառայությունը ստացել է նախազգուշացում պայթուցիկ սարքի տեղադրման մասին, ինչի հետ կապված էլ ծառայության աշխատակիցները դիմել են Դետրոյթի (ԱՄՆ) և Ուինսորի (Կանադա) իշխանություններին` խնդրելով փակել կամուրջը:
Ներկայումս կամուրջի երկու կողմերում էլ կազմվել է 1 կմ-անոց անվտանգության գոտի:
