ԱԺ «Ժառանգություն» խմբակցության ղեկավար Ստյոպա Սաֆարյանը մեզ հետ զրույցում նշեց, որ ԲՀԿ-ի համագումարից հետո ակնհայտ է, որ անգամ մամուլի ստեղծած կոնֆլիկտը ՀՀԿ-ի ու ԲՀԿ-ի միջև գոյություն չունի։
«Հետևաբար, մենք գործ ունենք կոալիցիայի ակտիվության հետ , իսկ ինչ վերաբերում է ընդդիմության ակտիվությանը, դեռևս ընդդիմությունը առանձին-առանձին է գործում, բայց պակաս ակտիվ չէ, այլ բան է, որ կոնկրետ «Ժառանգության» գործունեությունը, որը բավականին բուռն է, չի լուսաբանվում։ Հետևաբար, էլ ինչ պետք է անի, որ այդ ակտիվությունը երևա»,- նկատեց Ստյոպա Սաֆարյանը։
Նրա խոսքերով, ինչպես ինքը կանխատեսել էր, կոնֆլիկտը դեռևս իշխանություն-ընդդիմություն առանցքով չէ։ Մրցակցությունը ավելի շատ ընդդիմության ներսում է և իշխանության ներսում է։