Եգիպտոսը կպահպանի իր բոլոր միջազգային պայմանագրերն ու պարտավորությունները, եթե մյուս կողմերը ևս պահպանեն դրանք: Այս մասին հայտարարել է Եգիպտոսի արտգործնախարար Մուհամմեդ Ամրուն ԱՄՆ պետքարտուղար Հիլարի Քլինթոնի հետ հանդիպման ժամանակ: Նա նշել է, որ այս դիրքորոշումը հաստատել է նաև նախագահ Մուհամեդ Մուրսին Քլինթոնի հետ հանդիպման ժամանակ:
Նախարարը նշել է, որ Կահիրեն կշարունակի ջանքերը տարածաշրջանում խաղաղություն հաստատելու, պաղեստինա-իսրայելական հակամարտության ավարտի համար:
«Խաղաղությունը պետք է լինի համապարփակ, ինչպես ասվում է Իսրայելի հետ խաղաղության պայմանագրում, այդ պատճառով տվյալ փուլում Եգիպտոսն իր խնդիրը համարում է համապարփակ խաղաղության հասնելը, այդ թվում` եղբայր պաղեստինցի ժողովրդի համար»,- ընդգծել է Ամրուն:
Արտգործնախարարը հավելել է, որ Եգիպտոսը նպաստելու է մինչ 1967թ. եղած սահմաններում պաղեստինցիների կողմից անկախ պետության հռչակման իրավունքի իրականացմանը:
Հիշեցնենք, որ Իսրայելի հետ խաղաղությունը թույլ է տվել Եգիպտոսին կրկին վերահսկել Սինայի թերակղզին:
