Երեկ հարգել են իտալական Ջիլյո կղզում 6 ամիս առաջ Costa Concordia զբոսանավի կործանման հետևանքով զոհվածների հիշատակը։ Զոհվել էր 32 մարդ, երկուսը ցայսօր համարվում են անհետ կորած։ Այս մասին հաղորդում է «Ազատություն» ռադիոկայանը։
Հոգևոր արարողության ժամանակ տեղի եպիսկոպոսը բարձր է գնահատել կղզու բնակիչներին, որոնք ողբերգական այդ օրը լուրջ օգնություն են ցուցաբերել տուժածներին։ Արարողությանը ներկա են եղել զոհվածների հարազատները, ինչպես նաև զբոսանավի սեփականատեր ընկերության ներկայացուցիչները։
Հիշեցնենք, որ իրավապահները կործանման մեջ մեղադրում են զբոսանավի կապիտանին, սակայն վերջինս չի ընդունում իր մեղքը՝ միաժամանակ նշելով, որ այդ պահին իրոք չի իմացել ինչ անել։
