Երեկ խորհրդարանի առաջ ելույթից հետո Վրաստանի նախագահ Միխեիլ Սաակաշվիլին հայտարարել է, որ Ռուսաստանը Վրաստանից բարեփոխումներ է գողանում:
«Երկու օր առաջ նրանք կրթության նախարար Դմիտրի Շաշկինից ինժեներական կադրերի բարեփոխումն են գողացել, իսկ մինչ այդ ոստիկանական համակարգի բարեփոխումները գողանալու համար այստեղ էր եկել մի ամբողջ խումբ: Գողացել են նաև հարկային ռեֆորմը»,- ասել է Սաակաշվիլին:
«Սակայն նրանք ամեն ինչ չէ, որ մեզանից գողանում են: Օրինակ` մենք իրենց խորհուրդ չենք տվել օկուպացնել մեր տարածքները: Հակառակը, պահանջում ենք, որ հեռանան: Ռուսները մեզ չեն հավատում, որ իրենց մոտ ոչինչ չի ստացվի, քանի որ հնարավոր չէ մի կողմից բարեփոխումներ իրականացնել, մյուս կողմից` ավատական քաղաքական համակարգ ունենալ». Սաակաշվիլիի խոսքերը փոխանցում է Грузия-online-ը: