Վրացական լրատվամիջոցները հաղորդում են, որ անցած տարի երկրի կառավարությունը պայմանագրեր է ստորագրել ամերիկյան միանգամից 4 լոբբինգային ընկերությունների հետ, որոնցից ամենախոշորը` The Gephard Group ընկերության հետ` 426,8 հազար դոլար արժողությամբ:
Այդ ընկերությունները շատ ազդեցիկ են համարվում ԱՄՆ-ում, քանի որ լուրջ քաղաքական հաջողություններ են ունեցել:
Լոբբինգի վրա ծախսվող գումարների չափով Վրաստանը գերազանցում է Հարավային Կովկասի և Կենտրոնական Ասիայի բոլոր երկրներին:
Ադրբեջանը պայմանագիր ունի միայն մեկ ընկերության հետ` ամսական 35 հազար դոլար գումարով:
Ուշագրավ է, որ լոբբինգային ընկերությունների ծառայություններից օգտվում են նաև Աբխազիան և Հարավային Օսեթիան` յուրաքանչյուրը վճարելով 120 հազար դոլար:
