Պաղեստինի ազգային ադմինիստրացիայի նախկին առաջնորդ Յասիր Արաֆաթի այրին դիմել է Ֆրանսիայի մայրաքաղ Փարիզի դատարաններից մեկին` պարզելու համար Փարիզի մերձակայքում գտնվող ռազմական հիվանադանոցում իր ամուսնու մահվան հանգամանքները:
Ինչպես հաղորդել է AFP-ին` վկայակոչելով փաստաբան Պիեր-Օլիվիե Սյուրի հայտարարությանը, Սուհա Արաֆաթը փարիզյան փաստաբանական բյուրոն ստանձնել է հայց ներկայացնել ընդդեմ անհայտ անձի:
Նրա խոսքերով` դատական մարմինները կարող են պարզել իր ամուսնու մահվան հստակ հանգամանքները: Փաստաբանը հավելել է, որ հայցը ներկայացվելու է մինչ այս տարվա օգոստոսի մեկը:
Հիշեցնենք, որ պաշտոնական վարկածի համաձայն` Արաֆաթը մահացել է 2004թ. նոյեմբերի 11-ին Փարիզի արվարձանում` Պերսի ռազմական հոսպիտալում կյանքի 75-րդ տարում: Հոկտեմբերի 29-ին նա Ռամալլայի իր նստավայրից ծանր վիճակով տեղափոխվել էր Փարիզ: Նոյեմբերի 3-ին, ընկնելով կոմայի մեջ, 8 օր անց մահացել էր:
