«Առաջին լրատվականն» արդեն տեղեկացրել էր, որ Սպիտակ տան մամլո խոսնակ Ռոբերտ Գիբսը պատրաստվում է հրաժարական տալ: Երեկ տեղի է ունեցել նրա հրաժեշտի արարողությունը: Բարաք Օբաման լրագրողների ներկայությամբ հրաժեշտ է տվել իր խոսնակին` նրան հանձնելով անակնկալ նվեր:
Օբաման դահլիճ է եկել շրջանակով, որի մեջ եղել է փողկապ: Ըստ Օբամայի` այդ փողկապի պատմությունը սկսվում է դեռ 2004թ., երբ Բոստոնում տեղի ունեցած կուսակցական համաժողովի ժամանակ Օբաման չի կարողացել հարմար փողկապ ընտրել: Այդ հարցում նրան օգնության է հասել Գիբսը, որը Օբամային զիջել է իր փողկապը: «Փողկապի ընտրությունը ինձ համար դարձել էր տարվա խնդիր: Գիբսը իրականում չէր ուզում այն տալ, քանի որ ինքն էլ դրանով լավ տեսք ուներ»:
