Եգիպտոսի մայրաքաղաքի կենտրոնում՝ հայտնի «Թահրիր» հրապարակում, երեկվանից կրկին սկսել են հավաքվել մարդիկ, որոնք այսօր պատրաստվում են աջակցել նախագահին. վերջինս ցրված խորհրդարանի նիստ է հրավիրել։ Այս մասին հաղորդում է Al-Misra Al-Youm-ը։
Հիշեցնենք, որ Եգիպտոսի նորընտիր նախագահն անօրինական էր համարել Սահմանադրական դատարանի որոշումը, որով ցրվել էր խորհրդարանը, և նորից վերականգնել էր նրա աշխատանքը։ Երեկ Սահմանադրական դատարանը հերթական անգամ վերահաստատել է խորհրդարանը ցրելու մասին իր որոշումը։ Զինվորական բարձրագույն խորհուրդն, իր հերթին, Մուրսիին կոչ է արել հետևել օրենքներին։
Այս ամենը բուռն դժգոհություններ է առաջացրել հատկապես իսլամիստների շրջանում, որոնք հավաքվում են Կահիրեում՝ նախագահին աջակցություն հայտնելու համար։ Այսօր Սահմանադրական դատարանը քննելու է խորհրդարանի նիստ հրավիրելու` Մուրսիի որոշման օրինականությունը։
