Տոկիոյում այսօր բացվել է միջազգային կոնֆերանս, որի մասնակիցները քննարկում են Աֆղանստանին ֆինանսական օգնություն տրամադրելու հարցը: Խոսքն այն գումարների մասին է, որոնք Քաբուլը պետք է ստանա 2014թ. միջազգային կոալիցիայի ուժերի դուրս գալուց առաջ և հետո:
Ինչպես հաղորդում է BBC-ն, ելույթ ունենալով կոնֆերանսում՝ Աֆղանստանի նախագահ Համիդ Քարզայը հայտարարել է, որ առանց դրսի օգնության հնարավոր չի լինի երկրում հասնել խաղաղության, կայունության և ենթակառուցվածքների վերականգնման:
Քարզայը նաև խոստացել է պայքարել կոռուպցիայի դեմ, որը, նրա խոսքով, խարխլում է Աֆղանստանի պետական ինստիտուտների հիմքերը:
Քարզայը հատուկ նշել է, որ երկրի գլխավոր խնդիրները մնում են աշխատատեղերը, ենթակառուցվածքներն ու ներդրումները:
