Ռուսական Regnum լրատվական գործակալության փոխանցմամբ՝ ընդդիմադիր միլիարդատեր, «Վրացական երազանք» քաղաքական կոալիցիայի առաջնորդ Բիձինա Իվանիշվիլին վրացի մարզիկների հետ հանդիպման ժամանակ հայտարարել է, որ վրաց ժողովուրդն իմաստուն ժողովուրդ է և պարտադիր կերպով ճիշտ ընտրություն կկատարի.
«Արդեն մի քանի ամսվա քաղաքական պայքարի ընթացքում «Վրացական երազանքին» հաջողվել է բեկում գրանցել: Անգամ Սամեգրելոյի շրջանում, որը համարվում է ներկայիս իշխանությունների հենակետը, «Վրացական երազանքին» աջակցում է բնակչության 60 տոկոսը: Այդ մասին են վկայում կոալիցիայի ներկայացուցիչների անցկացրած հարցախույզի արդյունքները և դրանք վստահելի ու հուսադրող են:
Բեկում է գրանցվել նաև ադրբեջանաբնակ շրջաններում ու գյուղերում: Միակ շրջանը, ուր կոալիցիան չի կարողացել բեկում գրանցել, դա հայաբնակ Ջավախքն է: Ամենադժվարը Ախալքալաքում, Ծալկայում և այլ հայաբնակ վայրերում է, որոհետև հայ բնակչությունը շատ ահաբեկված է: Սակայն ես վստահ եմ, որ մենք կկարողանանք շուտով բեկում գրանցել նաև այնտեղ: Ադրբեջանաբնակ գյուղերում իրավաիճակն այլ է»:
