«Առաջին լրատվականն» երկու օր առաջ անդրադարձել էր ԱԺ պատգամավոր Սամվել Ալեքսանյանի հացի գործարանի գոյությանը, որը ակնհայտ գերակա դիրք ունի այդ շուկայում, սակայն «անհասկանալի» պատճառներով ուշադրության չէր արժանանում ո՛չ հարկային տեսչության և ո՛չ էլ համապատասխան պետական այլ մարմինների կողմից: Այսօր մեզ հայտնի դարձավ, որ հրապարակումից հետո Սամվել Ալեքսանյանի գործարան են այցելել հարկային տեսուչները և փորձել են սկսել լայնածավալ ստուգումներ: Բացի այդ, հարկային մարմինները զմռսել են նաև Երևանում գտնվող մի շարք այլ հացի փռեր, որոնք կա՛մ ամբողջությամբ, կա՛մ մասնակիորեն պատկանել են Սամվել Ալեքսանյանին: Այժմ այնտեղ ընթանում են հարկային ստուգումներ, և «հացի արքան» խիստ անհանգստացած է այս նոր զարգացումներով:
