ՀԱՀ-ի թեթև ատլետիկայի պաշտոնական կայքի տեղեկացմամբ` 25-ամյա վազորդ Օսկար Պիստորիուսը, ով մանկական հասակում զրկվել է ոտքերից, ընդգրկվել է 2012 թվականի Լոնդոնի Օլիմպիական խաղերին հայտավորված հավաքականի կազմում:
Պիստորիուսը ծնվել է առանց նրբոլոքների, և 11 ամսական հասակում անդամահատել են նրա ոտքերը` ծնկոսկրից ցածր հատվածում: Զբաղվելով թեթև ատլետիկայով` նա սկսել է վազել հատուկ պրոթեզներով:
Մարզիկը պարաօլիմպիական խաղերի քառակի չեմպիոն է, իսկ 2011 թվականին Պիստորիուսը դարձել է թեթև ատլետիկայի աշխարհի առաջնության արծաթե մեդալակիր` 4х400 մետր մրցուղում:
Հավելենք, որ հարավաֆրիկացին, ով հանդես է գալիս ածխածնային հիմք ունեցող հատուկ պրոթեզներով, կդառնա անդամահատված վերջույթներով Օլիմպիական խաղերին մասնակցող առաջին մարզիկը:
