Իսպանիայի ավտոշուկայում մեքենաների վաճառքը 2012թ. հունիսին կրճատվել է 12.1 տոկոսով` տարեկան հաշվարկով մինչև 73 հազար 258 մեքենա:
Ընթացիկ տարվա առաջին կիսամյակի արդյունքով` այդ երկրում ավտոմեքենաների վաճառքը կրճատվել է 8.2 տոկոսով ու կազմել 406 հազար 70 միավոր, ինչը համապատասխանում է 1993թ. մակարդակին: Այս մասին հայտնում է «Ավտոստատը»:
Մարդատար ու բեռնատար ավտոմեքենաներ արտադրողների իսպանական ասոցիացիայի (ANFAC) տվյալներով` 2012թ. ավտոշուկայում մեքենաների վաճառքը կրճատվել է 7.2 տոկոսով ու անցած տարի կազմել է 750 հազար:
Այդպիսով` իսպանական ավտոշուկան, որը դեռ 5 տարի առաջ կազմում էր ավելի քան 1.6 մլն մեքենա, մոտենում է այնպիսի երկրների մակարդակին, ինչպիսին են Նիդերլանդները, Բելգիան ու Մարոկկոն:
Ընդ որում, հաշվի առնելով հին ավտոպարկը (ավտոմեքենաների ավելի քան 40 տոկոսը 10 տարուց հին են, միջին տարիքը` 15 տարի)` ասոցիացիան իսպանական շուկայի ներուժը գնահատում է տարեկան 1.3-1.4 մլն ավտոմեքենա:
