Ռուսաստանի մայրաքաղաք Մոսկվայում ընթացող, 67 հազար եվրո մրցանակային ֆոնդ ունեցող Aeroflot Open հեղինակավոր մրցաշարում իր առաջին հաղթանակը տոնեց Ավետիք Գրիգորյանը:
Հայ գրոսմայստերը երրորդ տուրում սև ֆիգուրներով պարտության մատնեց Ուկրաինացի Անտոն Կորոբովին և այժմ ունի երկու միավոր:
Նույնքան միավոր էվաստակել նաև Հայաստանի երկրորդ շախմատիստ Սերգեյ Մովսիսյանը, ով այս տուրում ոչ-ոքի խաղաց Ռուսատանը ներկայացնող Դենիս Խիսմատուլինի հետ:
Ցավոք, իր առաջին պարտությունը կրեց Տիգրան Պետրոսյանը, ով սպիտակ ֆիգուրներով զիջեց ռուս Եվգենի Տոմաշևսկուն:
Երրորդ տուրից հետո բացարձակ արդյունքով միանձնյա առաջատարը Վիետնամի ներկայացուցիչ Քուանգ Լյեմն է: