Հանրահայտ ֆրանսահայ ֆուտբոլիստ Յուրի Ջորկաեւֆն օրերս ֆրանսիական ԶԼՄ-ներին պատմել է, թե իր կարծիքով, ով է լինելու «Ոսկե գնդակ»-ի դափնեկիրը:
«Երբ խոսքը «Ոսկե գնդակ»-ի մասին է, ես միշտ մտածում եմ մի հարցի
շուրջ. կարո՞ղ է արդյոք նույն ֆուտբոլիստը այլ ակումբում նույն
մակարդակով խաղ ցուցադրել: Օրինակ՝ Կրիշտիանո Ռոնալդուն «Մանչեսթր
Յունայթեդ»-ի կազմում հիանալի խաղ էր ցուցադրում, իսկ երբ նա տեղափոխվեց
«Ռեալ» ,նա այդքան էլ ֆանտաստիկ չէ, ու ես վստահ եմ, որ նույնը կկատարվեր,
օրինակ, Ինիեստայի հետ»,- ասել է Ջորկաեւֆը: Հայազգի ֆուտբոլիստն ասել է. «Հիմնական պայքարը ընթանալու է Իսպանիայի հավաքականի եւ «Ինտեր»-ի
ֆուտբոլիստների մեջ, բայց ես կնախընտրեի Իսպանիայի եւ «Ռեալ»-ի
դարպասապահ Իկեր Կասիլյասին, որովհետեւ նա աշխարհի չեմպիոն է դարձել ,
եւ Կասիլյասի համար շատ դժվար էր, որովհետեւ նա առաջնությունը շատ անհաջող
էր սկսել, բայց չհուսահատվեց եւ իր մեջ ուժ գտնելով` մնացած
հանդիպումներում իրեն գերազանց դրսեւորեց: Նույն Կասիլյասը ,եթե
տեղափոխվի «Մանչեսթըր Յունայթեդ», կշարունակի նույն մակարդակով ելույթներ
ունենալ»,- նշել է հանրահայտ կիսապաշտպանը:
«Զենիթ»-ը կրեց առաջին պարտությունը
Եթե մոսկվացիները պարտվեին այս խաղում, ապա կկորցնեին իրենց բոլոր հույսերը`
կապված երրորդ տեղի հետ, որը տալիս է չեմպիոնների լիգայի ուղեգիր:
«Զենիթ»-ը այս տարվա Ռուսաստանի առաջնությունում անկացրած 23
հանդիպումներում դեռեւս ոչ մի պարտություն չի կրել եւ միանձնյա
գլխավորում է մրցաշարային աղյուսակը: 16-րդ տուրում պետերբուրգյան
թիմը պետք է հանդիպեր Մոսկվայի «Սպարտակ»-ի հետ , բայց ամռանը անհնար
էր անցկացնել այդ մրցավեճը, քանի որ Մոսկվան ուղղակի հայտնվել էր ծխի
մեջ: Այդ ժամանակ Ռուսաստանի ֆուտբոլի ֆեդերացիան որոշեց հետաձգել եւ
հանդիպումն անցկացնել հոկտեմբերի 27-ին: Եվ ահա, չորեքշաբթի Մոսկվայի
«Լուժնիկի» մարզադաշտում կայացավ «Սպարտակ»-«Զենիթ» հանդիպումը: Եթե մոսկվացիները պարտվեին այս խաղում, ապա կկորցնեին իրենց բոլոր հույսերը`
կապված երրորդ տեղի հետ, որը տալիս է չեմպիոնների լիգայի ուղեգիր:
Հասկանալով այս վիճակը `«Սպարտակ»-ցիները ավելի ագրեսիվ խաղ ցուցադրեցին,
որի արդյունքում էլ հաղթանակ տոնեցին: Բրազիլացի հարձակվող Արին
86-րդ րոպեին ներխուժեց մրցակցի տուգանային հրապարակ, եւ «Զենիթ»-ի
պորտուգալացի պաշտպանը ստիպված էր նրան կասեցնել անթույլատրելի հնարքով:
Հանդիպման գլխավոր մրցավար Իգոր Եգորովը առանց մտածելու 11-մետրանոց
նշանակեց, եւ Դմիտրի Կամբարովը դիպուկ հարվածով «Սպարտակ»-ին հաղթանակ
պարգեւեց:
Վերան լացեցրեց Վիկտորիային
Ազերենկոն մի պահ իրեն կորցրեց ու սկսեց արտասվել հենց
խաղադաշտում:
Դոհայում անցնող կանանց ոչ պաշտոնական աշխարհի առաջնության երկրորդ օրը
կայացան հերթական հանդիպումները: Առաջինը կորտ դուրս եկան բելգիացի Կիմ
Կլայստերսը եւ Սերբիայի ներկայացուցիչ Ելենա Յանկովիչը: Սերբ
թենիսիստուհին, սակայն, առողջական պրոբլեմների պատճառով չի կարողանում 100-տոկոսանոց խաղ ցուցադրել: Այս հանդիպման ժամանակ էլ պարզ երեւում էր
Կլայստերսի առավելությունը: Հանդիպումը ավարտվեց 6-2, 6-3 ` բելգիացու հեշտ
հաղթանակով: Երկրորդ մրցավեճում հանդիպեցին ռուսաստանցի Վերա
Զվոնարյովան եւ Բելառուսի ներկայացուցիչ Վիկտորիա Ազարենկոն: Առաջին
սեթում երկու թենիսիստուհիները ցուցադրեցին դիտարժան խաղ եւ միայն 13-րդ
լրացուցիչ գեյմում Վերան կարողացավ հաշվի մեջ առաջ անցնել եւ ավարտել սեթը
իր օգտին: Իսկ ահա երկրորդ սեթի բազմաթիվ դրվագներում Վերային ուղղակի
բախտը ժպտաց, ու Ազերենկոն մի պահ իրեն կորցրեց ու սկսեց արտասվել հենց
խաղադաշտում: Վերան ուղղակի հիասքանչ էր գործում , ամեն ինչ ստացվում էր,
եւ նա կարողացավ խաղը ավարտել իր տրամաբանական ավարտով` հաղթելով 7-6, 6-4 հաշվով: Ազարենկոն վերջին խաղը պարտվելուց հետո կորտը լքեց էլի լացելով: Օրվա երրորդ խաղում Սամանտա Ստոսերը անսպասելիորեն 6-4, 6-3 հաշվով պարտության մատնեց մրցաշարի գլխավոր ֆավորիտին` Կառոլինա Վազնակիին: ԵթեՎազնակին կարողանար հաղթանակի հասնել այս հանդիպման ժամանակ, ապա նա 2010թ.-ը կավարտեր առաջին հորիզոնականում: Նրան կարող է խանգարել միայն Վերա Զվոնարյովան, այն էլ՝ մի դեպքում. եթե Վազնակին հաջորդ հանդիպման ժամանակ պարտություն կրի, իսկ Վերան առանց պարտության Դոհայում դառնա չեմպիոն:
