Այս օրերին ԱԺ-ն քննարկում էր Քրեական օրենսգրքում փոփոխություններ և լրացումներ կատարելու նախագիծը: ՀՀԿ-ից ԱԺ պատգամավոր Ռաֆիկ Պետրոսյանից փորձեցինք հետաքրքրվել, թե հնարավո՞ր է, արդյոք, օրենքի փոփոխությամբ գողության համար նախատեսված ներկա պատժաչափերը մեղմացվեն, ինչին նա պատասխանեց.
«Կարծում եմ, պատժաչափերը չեն փոխվի, բայց մեկ այլ նախագիծ կա, ինչքան գիտեմ՝ պետաիրավական հանձնաժողովը արդեն քննարկել է կրկնակիրառության օրենքի փոփոխությունը, եթե մինչ այսօր քրեական օրենսգրքում կրկնակիրառությունը դիտվում էր որակյալ դիտվող արարք, այսինքն՝ առաջին մասից գնում էր երկրորդ, իսկ երկրորդից՝ երրորդ, հիմա, երբ կրկնակիրառությունը հանվում է, արդյունքում, եթե մարդը պատիժը մեկ անգամ կրել է, երկրորդ անգամ դա արդեն որակ չի տալիս, և պատիժը չի ծանրացնում»:
Հաշվարկվել է, որ կրկնակիրառության մասին նախագիծը հաստատվելու դեպքում 1000-ից ավելի մարդու պատիժ կթեթևանա:
