Այսօր մեկնարկում է Հայ օգնության ֆոնդի կազմակերպած Լեռնային Ղարաբաղի և Ջավախքի բուժաշխատողերի վերապատրաստման ծրագիրը: Ծրագիրը իրականացվում է ԼՂՀ առողջապահության նախարարության, Ջավախքի և և Երևանի բուժհաստատությունների և ԵՊԲՀ-ի աջակցությամբ, իսկ ֆինանսական ծախսերը հոգում է Ամերիկահայ բժիշկների միությունը (AAHPO):
Այսօր ծրագրի բացման արարողությանը մասնակցեցին ներկայացուցիչներ բոլոր մասնակից կազմակերպություններից և իհարկե ծրագրի նախաձեռնող պրոֆեսոր Րաֆֆի Հովհաննիսյանը:
«ՀՕՖ-ն ստեղծվել է 1988թ.-ն` երկրաշարժից հետո: Ի սկզբանե ՀՕՖ-ի առաքելության ծիրում առաջնային էին բժշկական-առողջապահական ծրագրերը: Մինչ այժմ 250 ավելի բժիշկներ արդեն վերապատրաստվել են», – ասում է ծրագրի պատասխանատու Համբարձում Սիմոնյանը:
«ԼՂՀ և Ջավախքի բժիշկների վերապատրաստում» ծրագիրը նախատեսում է 2 տարվա ընթացքում վերապատրաստել շուրջ 80 բժիշկների:
