Հոլիվուդն այս օրերին քննարկում է դերասաններ Թոմ Քրուզի և Քեթի Հոլմսի սպասվող ամուսնալուծությունը: Հայտնի աստղային զույգի շրջապատում խոսում են, որ բաժանության պատճառը կրոնն է, իսկ ավելի ստույգ՝ սաենթոլոգիան, որի մեջ ներքաշված է Թոմ Քրուզը:
Ամուսինների ընկերների կարծիքով` Քեթին երբեք չի կիսել Թոմի այդ հակվածությունը, սակայն տարիներ շարունակ փորձել է համակերպվել դրա հետ:
Նրանց ամուսնության մեջ ճեղքվածքն առաջացել է 2011 թ., երբ 33–ամյա Քեթին սկսեց ճամփորդել առանց Թոմի:
Ընկերների խոսքերով` ամուսնալուծության լուրը ջախջախիչ է եղել Թոմի համար: Հարցազրույցի ժամանակ դերասանն ընդունել է, որ դա իր կյանքի ամենավատ և անսպասելի անականկալն էր:
Անցյալ ուրբաթ օրը Քեթիի փաստաբան Ջոնաթան Վուլֆը, մեկնաբանելով սպասվող գործընթացը, նշել է, որ դա «Քեթիի և նրա ընտանիքի անձնական գործն է»: «Նրան ամենաշատն այժմ հուզում է դստեր երջանկությունը»,- հավելել է փաստաբանը:
Թոմն ու Քեթին դաստիարակում են իրենց 6–ամյա դստերը՝ Սուրիին: Նրան ամուսնացել են 2006 թ., և նրանց կարողությունը կազմում է մոտ 275 միլիոն դոլար: Թոմ Քրուզն ունի նաև երկու որդեգրած երեխա Նիկոլ Քիդմանի հետ ամուսնությունից: