Էդուարդ Մարկարով. Հանդիպման վրա հետք թողեց բազմաթիվ առաջատար խաղացողների բացակայությունը

Երեկ կայացած Հայաստան-Վրաստան հանդիպումից հետո «Արարատ»-ի լեգենդար ֆուտբոլիստ, Հայաստանի հավաքականի նախկին մարզիչ Էդուարդ Մարկարովը Спорт-экспресс-ի հետ զրույցում ասել է, որ ինքը հավատում է Հայաստանի հավաքականի ապագային: «Հանդիպման վրա հետք թողեց բազմաթիվ առաջատար խաղացողների բացակայությունը: Բայց ասել եմ ու պիտի ասեմ, որ մեր ընտրանին շատ հետաքրքիր ու խոստումնալից է: Մեծ առաջընթաց եմ ակնկալում նրանից: Այժմ արդեն հավաքականի կազմում բազմաթիվ երիտասարդ տաղանդավոր ֆուտբոլիստներ կան, իսկ հետևում ոչ պակաս տաղանդավոր սերունդ է զարգանում: Հայաստանում ֆուտբոլը ոտքի է կանգնում և ապագա ունի: Ինչ վերաբերում է Ռուսաստանի հետ հանդիպմանը` շատ լուրջ, բարդ խաղ է սպասվում: Ֆուտբոլը մնում է ֆուտբոլ: Այնպես որ, չեմ հանդգնում կանխատեսել որևէ թիմի հաղթանակը»: