Friday, 29 03 2024
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան
Փորձ է արվում 3 անձերի կատարածը ԱԺԲ ամբողջ կառուլցի հետ կապել. Պապյան
15:45
«ԱՄՆ-ն ու ԵՄ-ը Հայաստանի հետ անվտանգային հարցեր չեն քննարկելու». Ստանո
ՊՆ կոլեգիայի նիստում քննարկվել են սպառազինության և ռազմական տեխնիկայի զարգացման հարցեր
«Ցուցադրությունն անպայման տեղի կունենա». Բաքվում պարզաբանում են տարածել Արայիկ Հարությունյանի հարցազրույցի վերաբերյալ
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»
15:30
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Վարագույրից այն կողմ կան շահեր, որոնք թույլ չեն տալիս Մարտի 1-ի բացահայտումը
15:10
Ճապոնիայում կենսաբանական հավելումների օգտագործման հետևանքով զոհերի թիվը հասել է 5-ի
Այո՛, օրենք են խախտել, երկրով մեկ օրենքի խախտումներ են հենց վարչապետի մասնակցությամբ
Խորհրդարանական լսումներ կհրավիրվեն Եվրաինտեգրման նոր հեռանկարները և մարտահրավերները թեմայով
Թող դատարանը որոշի ահաբեկչությո՞ւն էր, թե ապստամբություն.Պապյան
15:01
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ինչի՞ է նախապատրաստվում Ալիեւը
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14։00
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում

Ապաքրեականացնենք հափշտակության հոդվածը, որ հանգիստ թալանենք «տնեցիներին»

Փաստաբաններ Դիանա Գրիգորյանը եւ Արամազդ Կիվիրյանը պատրաստվում են օրենսդրական նախաձեռնությամբ հանդես գալու իրավասություն ունեցող անձանց միջոցով դիմել հայրենի խորհրդարանին` ՀՀ քրեական օրենսգրքի 178 հոդվածը (խարդախության միջոցով կատարված հափշտակություն) ապաքրեականացնելու առաջարկով:

Առաջին հայացքից տարօրինակ թվացող այս մտահղացմանը փաստաբանները հանգել են Կենտրոն եւ Նորք-Մարաշ վարչական շրջանների ընդհանուր իրավասության, ինչպես նաեւ վերաքննիչ քաղաքացիական դատարանի դատավոր Մանուշակ Պետրոսյանի կայացրած որոշմանը ծանոթանալուց հետո. ըստ այդմ` ստացվում է, որ խարդախության միջոցով գույքը օտարելը քրեորեն պատժելի արարք չէ: Բայց ամեն ինչ ներկայացնենք սկզբից:

Դ.Գրիգորյանի եւ Ա.Կիվիրյանի վստահորդ Կարինե Գասպարյանը 2009-ի հոկտեմբերին հաղորդում է ներկայացրել ՀՀ գլխավոր դատախազ Աղվան Հովսեփյանին, երբ իմացել է, որ իր ամուսինը` Հրաչյա Հարությունյանը (ումից փաստացի առանձին է բնակվում), Կարինե Էկսարջյանի հետ համատեղ կեղծ հայտարարություն է տվել Կենտրոն նոտարական տարածքի նոտար Մարինե Մանուկյանին` նշելով, թե ամուսնացած չէ, եւ այդկերպ օտարել անշարժ գույքի` նաեւ կնոջը` Կարինե Գասպարյանին, հասանելիք մասը` 50 տոկոսը: Իսկ վիճարկվող գույքը Երեւանի Շիրազի փողոցի արեւմտյան մասում գտնվող թիվ 16 հողամասն է եւ Երեւանի Հալաբյան 41 շենքի թիվ 179 հասցեում գտնվող խանութը: Կարինե Գասպարյանի` գլխավոր դատախազին հասցեագրված դիմումը մեկ շաբաթ անց Կենտրոն եւ Նորք-Մարաշ վարչական շրջանների դատախազությունից ուղարկվել է ոստիկանության Կենտրոնականի բաժին:

Այստեղ փաստի առթիվ նյութեր են նախապատրաստվել, որոնցով Կենտրոնականի բաժնի ավագ քննիչ Է.Այդինյանի կայացրած որոշմամբ մերժվել է քրեական գործի հարուցումը: Կարինե Գասպարյանը նշված որոշման դեմ բողոք է ներկայացրել ՀՀ գլխավոր դատախազություն եւ պահանջել վերացնել այն: Այնտեղից էլ Սեփականության եւ տնտեսական գործունեության դեմ ուղղված հանցագործությունների գործերով վարչության պետ Գ.Նավասարդյանը հայտնել է, որ քրեական գործի հարուցումը մերժելու մասին հետաքննիչի որոշումն օրինական է եւ հիմնավորված, ուստի այն վերացնելու հիմքեր չկան:

Տուժող Կ.Գասպարյանը ստիպված հետաքննիչի այդ որոշումը վիճարկել է Կենտրոն եւ Նորք-Մարաշ վարչական շրջանների ընդհանուր իրավասության դատարանում, որը եւս մերժել է Կ.Գասպարյանի բողոքը` նշելով, որ կողմերի միջեւ առկա են քաղաքացիա-իրավական փոխհարաբերություններ, որը ենթակա է լուծման դատարանի միջոցով, ուստի Հ.Հարությունյանի արարքում բացակայում է քրեական օրենսգրքի 178 հոդվածի հանցակազմը, եւ Է.Այդինյանի որոշումը վերացնելու հիմքեր չկան:
Առաջին ատյանի որոշման դեմ հայցվոր կողմը վերաքննիչ բողոք է բերել` նշելով, որ առաջին ատյանի դատարանի որոշումն անհիմն է, անօրինական, դատարանի կողմից չի իրականացվել լրիվ, բազմակողմանի, օբյեկտիվ քննություն: Կ.Գասպարյանի շահերի ներկայացուցիչ փաստաբանները վերաքննիչ բողոքում նշել են, որ Հրաչյա Հարությունյանը եւ նրա քեռակինը` Կարինե Էկսարջյանը (ով տեղյակ է եղել Հրաչյա Հարությունյանի ամուսնացած լինելուն) կատարել են հանրորեն վտանգավոր արարք` հանցագործություն. վերջիններս ապօրինաբար հափշտակել են Կարինե Գասպարյանի գույքը` նրան պատճառելով առանձնապես խոշոր չափերի վնաս: Վերջինս ունեցել է սեփականության իրավունքով իրեն պատկանող գույք, որը Հրաչյա Հարությունյանի եւ Կարինե Էկսարջյանի ապօրինի գործողությունների հետեւանքով հափշտակվել է եւ դարձել Էկսարջյանի սեփականությունը, սակայն քննիչը աչք է փակել այդ հանգամանքների վրա եւ որոշմամբ քրգործ չի հարուցել, դատարանն այն չի վերացրել` պատճառաբանելով, որ Կարինե Գասպարյանը քաղաքացիական դատավարության կարգով գործարքների անվավերության պահանջ է ներկայացրել, հետեւաբար կողմերի միջեւ առկա են քաղաքացիա-իրավական հարաբերություններ: Մինչդեռ հայցվոր կողմի պնդմամբ, անկախ նրանից տուժողը քաղաքացիա-իրավական դատավարության կարգով հայց ներկայացնելու իրավունք, ցանկություն ունի, թե ոչ, ներկայացրել է, թե ոչ, հանցավորներն անխուսափելիորեն պետք է ենթարկվեն քրեական պատասխանատվության, քանի որ հանցավորների գործողություններում հանցակազմն առկա է:

Մանրամասնելով` նշենք, որ նոտարը հանդիսանում է անշարժ գույքի սեփականության իրավունքի օտարում իրականացնող, միեւնույն ժամանակ անշարժ գույքի նկատմամբ սեփականության իրավունքի ձեռքբերումը հնարավոր դարձնող միակ մարմինը: Հետեւաբար Հրաչյա Հարությունյանը եւ Կարինե Էկսարջյանը իրենց հանցավոր մտադրությունն իրականացնելու եւ Կարինե Գասպարյանի գույքը հափշտակելու համար պետք է խաբեին, մոլորության մեջ գցեին, կեղծ հայտարարություններ, տեղեկանքներ ներկայացնեին նոտարին, հակառակ դեպքում չէին կարող Կ.Գասպարյանից հափշտակել գույքը եւ դարձնել Էկսարջյանի սեփականությունը: Եվ այս պայմաններում առաջին ատյանի դատարանը մերժել է դիմումատուի բողոքը` գրեթե չպատճառաբանելով այն:

Եվ ահա վերաքննիչ քաղաքացիական դատարանը` նախագահությամբ Մանուշակ Պետրոսյանի, ճիշտ համարելով առաջին ատյանի որոշումը, դատարանի պատճառաբանությունները եւ եզրահանգումները մասում, առանց քրօրի կոնկրետ հոդված հիշատակելու, նշել է. «Արարքը հափշտակություն որակելու համար` անկախ հափշտակության եղանակից (ավազակություն, կողոպուտ, գողություն, խարդախություն եւ այլն), անհրաժեշտ է պարզել, որ անձը ուրիշի գույքը ապօրինի, անհատույց, շահադիտական նպատակով վերցրել, իրենը կամ ուրիշինն է դարձրել, իրական հնարավորություն է ունեցել գույքը տնօրինելու կամ օգտագործելու: Այս հատկանիշներից որեւէ մեկի բացակայությունը բացառում է հափշտակության հանցակազմն ընդհանրապես: Սույն գործի նյութերի ուսումնասիրությունից երեւում է, որ Հ.Հարությունյանի գործողություններում բացակայում է հափշտակության հանցակազմը, քանի որ Հ.Հարությունյանը իր գործողություններով անմիջականորեն ներգործել է ոչ թե գույքի սեփականատիրոջ` Կ.Գասպարյանի կամքի վրա, այլ իրականությունը խեղաթյուրելու նպատակով մոլորության մեջ է գցել նոտարին, որը հիմք ընդունելով նրա հայտարարությունն այն մասին, որ ինքը գույքի միակ սեփականատերն է, օրենքով սահմանված կարգով կատարել է համապատասխան նոտարական գործողություններ»: Այսինքն` ստացվում է, որ եթե կնոջը ծեծելով կամ ստիպելով չի օտարել նրա բաժնեմասը, այլ նրանից, ասենք, գաղտնի կամ նրա կամքը հաշվի չառնելով կեղծ տեղեկություններ է ներկայացրել նոտարին եւ կնոջ բաժնեմասն էլ իրենով անելով` հափշտակել այն, դատարանը դա հանցագործություն չի համարում: Վճռաբեկ դատարանը վերադարձրել է այս դատական ակտի դեմ բերված փաստաբանների վճռաբեկ բողոքը: Եվ հիմա ստացվում է մի նախադեպ, որը թույլ է տալիս բոլորին հանգիստ, կեղծ տեղեկություններ տրամադրելով նոտարներին այս կամ այն համասեփականատիրոջից հափշտակել գույքը: Եվ եթե այդպես է, ու դա դատավորի եւ վճռաբեկ ատյանի համար նորմալ է, ուրեմն եկեք ապաքրեականացնենք այն եւ հանգիստ թալանենք ընտանիքի անդամներին կամ «օրթաղ» գործընկերներին:

Ի դեպ, ՀՀ քրօրի 178 հոդվածի 1-ին մասը նախատեսում է. «Խարդախությունը` խաբեության կամ վստահությունը չարաշահելու եղանակով ուրիշի գույքի զգալի չափերով հափշտակությունը կամ ուրիշի գույքի նկատմամբ իրավունք ձեռք բերելը` պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` առավելագույնը երկու ամիս ժամկետով, կամ ազատազրկմամբ` առավելագույնը երկու տարի ժամկետով», իսկ երկրորդ մասը` եթե այն «կատարվել է` մի խումբ անձանց կողմից նախնական համաձայնությամբ, խոշոր չափերով… պատժվում է ազատազրկմամբ` երկուսից վեց տարի ժամկետով»:

Իսկ եթե դատավորի հիմնավորումները վերաբերում են քրօրի 184 հոդվածին (գույքային վնաս պատճառելը խաբեության կամ վստահությունը չարաշահելու եղանակով), ապա դրա 1-ին մասը նախատեսում է. «Խաբեության կամ վստահությունը չարաշահելու եղանակով սեփականատիրոջը կամ գույքի այլ տիրապետողին խոշոր չափերի վնաս պատճառելը, եթե բացակայում են հափշտակության հատկանիշները` պատժվում է տուգանքով` նվազագույն աշխատավարձի երկուհարյուրապատիկից չորսհարյուրապատիկի չափով, կամ կալանքով` առավելագույնը երկու ամիս ժամկետով, կամ ազատազրկմամբ` առավելագույնը երկու տարի ժամկետով», իսկ ըստ 2-րդ մասի, եթե «Նույն գործողությունը, որը առանձնապես խոշոր չափերի վնաս է պատճառել, կատարվել է մի խումբ անձանց կողմից նախնական համաձայնությամբ` պատժվում է ազատազրկմամբ` առավելագույնը երեք տարի ժամկետով»:

«Ժամանակ» օրաթերթ

Բաժիններ
Ուղիղ
Լրահոս
Որոնում