Մայրաքաղաքի մշակութային կյանքի աշխուժացմանն ուղղված հարցեր են քննարկվել Երևանի քաղաքապետ Կարեն Կարապետյանի և ստեղծագործական միությունների նախագահների խորհդի անդամների հետ հանդիպման ընթացքում: Վերջիններն իրենց առաջարկություններն են ներկայացրել թատրոնի, կինեմատոգրաֆիայի, ճարտարապետության, երաժշտության և գրականության ոլորտներում համատեղ ծրագրերի իրականացման մասով:
Կարեն Կարապետյանը, կարևորելով մշակութային դաստիարակությանը նպաստող միջավայրի ձևավորմանը միտված նախաձեռնությունները, հստակեցրել է աշակերտ-մշակութային օջախներ կապն ամրապնդելու նպատակով մայրաքաղաքի դպրոցներում այսուհետ ներդրվելիք աբոնեմենտային համակարգի որոշ մանրամասներ: Այս համատեքստում քաղաքապետն առանձնացրել է նաև սոցիալական կինոթատրոնների ստեղծումը, որտեղ անվճար կցուցադրվեն միայն հայրենասիրական, ճանաչողական ֆիլմեր:
Երևանի քաղաքապետարանի տեղեկատվության և հասարակայնության հետ կապերի վարչություն
