Այսօր «Սիվիլիթաս» հիմնադրամը հրավիրել էր քննարկում` «Լրատվամիջոցներ. ինչպես աշխատել նեղ պայմաններում» թեմայով։ Քննարկումը կազմակերպելու գաղափարը առաջացել էր ՀՌԱՀ-ի` հեռուստաըներություններին լիցենզիա տրամադրելու որոշումից հետո, ինչի արդյունքում որոշ հեռուստաըներություններ զրկվեցին հաճախականությունից։
Հանդիպման բանախոսներին անհանգստացնում է այն փաստը, որ Հայաստանում հեռուստատեսային ոլորտի թվայնացման պատրվակով են փակում հեռուստաալիքներ, մինչդեռ ամբողջ աշխարհում թվայնացումը դրանց թիվն ընդյալնելու առիթ է։
Տեսակետին, որ ի տարբերություն հեռուստատեսության, որն ամբողջությամբ իշխանությունների վերահսկողության տակ է, տպագիր մամուլն իրականացնում է անաչառ լրատվության առաքելություն, համակարծիք են բոլոր բանախոսները։
«Հեռուստատեսությունը կորցնում է վստահությունը, ինչը ձեռնտու չէ նաև իշխանություններին»,-ասում է ԼՀՂ-ում լույս տեսնող «Անալիտիկոն» հանդեսի գլխավոր խմբագիր Գեղամ Բաղդասարյանը։ «Ստեղծված պայմաններում իշխանությունները ստիպված են գործունեություն ծավալել ինտերնետում, որն աստիճանաբար առավել մեծ տարածում է գտնում Հայաստանում։ Ինտերնետում իշխանությունները պետք է մրցակցեն, իսկ մրցակցությունը այն հրեշն է, որից վախենում է իշխանությունը»,- համոզված է Բաղդասարյանը։