ԿԲ-ն հրապարակել է 2010 թ. դեկտեմբեր ամսվա տեղեկագիրը, որի համաձայն, 2010 թ. հունվար-դեկտեմբեր ամիսներին, 2009 թ. հունվար-դեկտեմբերի համեմատ, ՀՀ բանկային համակարգի միջոցով ոչ առևտրային բնույթի փոխանցումների զուտ ներհոսքը աճել է 15.3%-ով` կազմելով 1.07 մլրդ դոլար:
Ըստ այդմ` զուտ ներհոսքի ավելի քան 88%-ը բաժին է ընկնում Ռուսաստանին: Ռուսաստանից զուտ ներհոսքը նշված ժամանակահատվածում աճել է 15.3%-ով:
Հիշեցնենք, որ մինչճգնաճամային շրջանում (2003-2007 թթ.) բանկային համակարգի միջոցով ոչ առևտրային փոխանցումների զուտ ներհոսքը Հայաստան աճում էր տարեկան 30-40%-ով, 2008-ին այդ աճը կազմեց 24%, իսկ 2009-ին տրանսֆերտների զուտ ներհոսքը նվազեց 41%-ով:
