Սիրիայի նախագահ Բաշար ալ-Ասադի թիվ 210 որոշմամբ ձևավորվել է Սիրիայի նոր կառավարությունը՝ Ռիյադ Հիջաբի գլխավորությամբ:
Պետական «ՍԱՆԱ» գործակալության փոխանցմամբ` 30 նախարարների թվում է նաև հայազգի Նազիրա Ֆարահ Սարգիսը:
Սարգիսը նշանակվել է Բնապահպանության նախարար: Նազիրա Ֆարահ Սարգիսը սերում է Սիրիայի հայկական համայնքից:
Նա ծնվել է 1962-ին, Հալեպում, մասնագիտությամբ քիմիկոս է, գիտությունների թեկնածու, աշխատել է Հալեպի համալսարանում:
Նույն աղբյուրը տեղեկացնում է, որ Սիրիայի Ազգային ժողովի պատգամավոր առաջադրված, սակայն չհաղթած Սունբուլ Սունբուլյանը ևս ներառվելու է նոր կառավարությունում:
