Էկվադորի Գալապագոսյան կղզիներում սատկել է հսկայական Geochelone abingdoni տեսակի կրիան, որն այդ տեսակի վերջին ներկայացուցիչն էր։ Այս մասին հաղորդում է BBC-ն։
Գիտնականների գնահատականով՝ այդ կենդանին 100 տարեկան էր։ Կենդանու սատկելու պատճառների մասին հայտնի կդառնա այն հերձելուց հետո։
Սա եզակի տեսակ է և բնակվում է բացառապես Գալապագոսյան կղզիներում։ Բնական պայմաններում նրանք ապրում են 200-250 տարի, անազատության մեջ՝ 150։
Մինչև հիմա գիտնականները փորձում էին ապահովել այս կրիայի վերարտադրությունը՝ նրան առաջարկելով այլ տեսակի էգ ներկայացուցիչներ։ Սակայն բոլոր այդ փորձերն անօգուտ էին։
