Իրանում Հայաստանի դեսպան Գրիգոր Առաքելյանը կոչ է արել Իրանին և Հայաստանին վերացնել մուտքի արտոնագրի պահանջը` այդ կերպ հեշտացնելով երկու պետությունների քաղաքացիների այցելությունները հարևան երկրներ:
Fars լրատվական գործակալությունը հաղորդել է, որ Գրիգոր Առաքելյանը Իրանի հյուսիսարևմտյան շրջանի գեներալ-նահանգապետի հետ հանդիպման ժամանակ ասել է, որ հույս ունի, որ մուտքի արտոնագրի պահանջը կվերացնեն երկու երկրների քաղաքացիների համար:
Հանդիպման ժամանակ դեսպանը նաև կարևորել է Իրանի ներքին գործերի նախարարի այցը Հայաստան, որը տեղի կունենա 15 օր անց, և հույս հայտնել, որ այդ այցի շնորհիվ երկու հարևան երկրների միջև կապը ավելի կխորանա:
Նա նաև ասել է, որ շուտով Երևանում կստեղծվի հայ-իրանական Միացյալ տնտեսական համագործակցության կոմիտե: